COÑECENDO SENEGAL

 Hoxe tocou saber un pouco máis de Senegal, o país de onde é orixinario o noso compañeiro Cheikh.
A súa nai preparou para nós un saboroso arroz con carne e langostinos que degustamos encantados. Tiña un punto picante que o facía delicioso, aínda que non a todos lles gustou.
Logo, Cheikh amosounos fotos do lugar onde vivía. Fíxonos moito aquel velo pequerrecho!!! Tamén proxectou un vídeo dunha festa que se celebra na súa comunidade cada vez que hai un nacemento. E, para rematar, bailounos ao ritmo da música da súa terra. 

Resultou unha actividade moi interesante.

 

 

EXCURSIÓN INFANTIL AO CENTRO DE FORMACIÓN DO CONSUMIDOR DE VEGADEO

 O pasado venres, 24 de maio, o alumnado de Educación Infantil e os seu profes fixeron unha saída ao "Centro de Formación del Consumidor" de Vegadeo. Recibiunos Montse. Explicounos moitas cousas sobre as froitas. Fomos de compras ao seu "magnífico" supermercado. Decoramos gorros de cociñeiros e servilleteiros. Con mandil e todo, lavamos e cortamos as froitas, preparamos zume de laranxa e de limón e... con todo isto, elaboramos unha riquíiiisima macedonia de temporada!!!!!!!!!

Que boísima estaba, non quedou nadiña!!!!!!

Grazas Montse por axudarnos a pasar unha mañá tan agradable e entretida.

Ata outra!!!!!

CONCERTO DA ESCOLA DE MÚSICA

 O día 28 de maio A Escola de Música ofreceunos un concerto na sala Bahía para facernos partícipes do seu traballo e fomentar o interese dos nenos e nenas en formar parte desa Escola. Alí acudimos todo o alumnado do Centro xunto coas súas mestras e mestres  de 10:00 a 11:00 da mañá. Escoitamos a súa música e bailamos tamén.

Gustounos moitíiisimo.

 

 

 

 

LETRAS GALEGAS 2024

 Este curso conmemoramos AS LETRAS GALEGAS elaborando por titorías os seguintes "puntos de lectura" que repartimos polas librarías da contorna para que agasallaran con un cada compra realizada a fin de semana das Letras Galegas.

Tamén se traballou por titorías a autora homenaxeada: Luísa Villalta Gómez.

Quedaron moi chulos.

PODCAST - LUISA VILLALTA

 Coma todos os anos, o cole participou unha vez máis no “Concurso de Podcast Radio - na biblio”, no que vai pola súa sexta edición. O alumnado de sexto fomos os encargados da súa elaboración. Comezamos cunha investigación sobre a autora para pasar a creación do podcast no que falamos sobre Luisa Villalta Gómez. Ocorréusenos simular como se fose unha clase; así, un de nós fixo de profesora e os outros nenos de alumnos, creando un coloquio na aula centrándonos na súa vida e extensa obra.

Esperamos disfrutedes da escoita!

 

COÑECENDO PERÚ

 Para que puidésemos saber un pouco máis de Perú, o país do cal é orixinario o noso compañeiro Josué, presentounos un vídeo con imaxes de lugares destacados, así como das comidas e mesmo da flora e da fauna do lugar de onde vén. Logo, mostrounos fotos de distintos momentos da súa vida, para rematar degustando uns pratos e unha bebida que a súa nai preparou para nós.
Preparounos un arroz con pito e unha crema de huankaina para acompáñalo, seguido de dous pratos tamén de arroz, arroz con leite e mazamorra e arroz zambito.
Para beber tomamos chicha morada. 

Todo estaba moi saboroso. 

Foi unha experiencia moi interesante. 

Moitas grazas a Josué e a súa familia.