DÍA MUNDIAL DA INFANCIA

 O alumnado de Infantil e os seus mestres elaboraron un gran mural na entrada do edificio de Infantil, recordándonos que o 20 de novembro celebramos  

O DÍA MUNDIAL DA INFANCIA.

 Nel colaboraron nenos e nenas de outros cursos.

Destacamos OS DEREITOS e DEBERES de toda a INFANCIA e que eles son o presente e o futuro do Mundo.

 Comezamos o Día todos xuntos con música no patio cuberto e continuamos con traballo de aula relacionado con esta temática e así visualizar as necesidades mundiais deste sector da poboación.

"Ensinemos aos nenos e non será necesario castigar aos homes" (Pitágoras). 

 

 

VISITA Á GANDERÍA DE ANA PÉREZ BOO

 O xoves 21 de novembro o alumnado de 3º e 4º de Primaria, xunto coas súas mestras e mestre, visitou a gandería de Ana Pérez Boo en Terra Chá, por xentileza da ANPA.

 

Alí explicáronlles moitas cousas das ovellas: tipo de raza, que lles producían, o seu coidado sanitario, a súa alimentación (os nenos déronlles pan), que raza de cans as protexían... e moitas máis cousas.

 

 

 

Déronlles a merenda .

Xogaron fóra e viron as ovellas no exterior.

 

Unha tecedora explicoulles o proceso da la ata poder tecela, incluso como tinguila con tintes naturais.

E para rematar, déronlles cadanseu agasallo.

 

 

Gustounos moito e pasamos unha xornada moi agradable.

Grazas á gandería ovina e á ANPA.

Para ampliar información podedes ler a seguinte noticia de O Progreso:

Granxa ovina en Terra Chá

MAGOSTO

 O mércores día 13 celebramos O MAGOSTO no cole: deseñaron e elaboraron cestiñas, degustamos castañas asadas e xogamos todos no patio.

Pasámolo en grande e as castañas estaban boísimas.