INTERCULTURALIDADE

 A auxiliar de conversa, Cristina, ao alumnado de 3º, 4º, 5º e 6º explicoulles a tradición de San Patricks en Chicago.

En Plástica fixeron o seguinte mural que lles quedou chulísimo.

 

VISITA RESIDENCIA TERCEIRA IDADE

 O venres 15 de marzo o alumnado de 5º de Primaria, xunto coa súa titora, visitou a Residencia e Centro de Día da Terceira Idade de Foz para compartir dúas horas de lecer coas persoas maiores e coas súas coidadoras.

Gustounos moito e grazas ao persoal da Residencia por permitirnos compartir dúas horas con eles.

 

 

 

VISITA RESIDENCIA E CENTRO DE DÍA de Bibliochicharrón Foz

DÍA INTERNACIONAL DA MULLER: 8 DE MARZO

 O día 8 de marzo celebramos os logros das mulleres en todos os campos e tamén pedimos máis avances na igualdade entre elas e os homes.

No cole, conmemorámolo da seguinte maneira:

• Fixemos un mural para o recibidor do cole con caras de mulleres recortadas de revistas, coa participación de todos.
• Visitounos Chus, mamá de Carmela, alumna de 3º.,traballa na Consellería de Medio Rural, no servizo de incendios forestais. Falounos da flora e fauna do entorno, da necesidade de coidalo, da perigosidade dos incendios e da necesidade de evitalos.
• Nas aulas fixéronse traballos para reflexionar sobre a igualdade.
• En Plástica, os cursos de 3º, 4º 5º e 6º fixeron a flor de "A nosa muller máis importante". Estas flores forman parte do mural da entrada.
• O alumnado de 5º e 6º elaborou o libro titulado "As nosas mulleres", onde se poden ver mulleres galegas que destacan pola súa profesión: cantantes, científicas, futbolistas...
• Este mesmo alumnado fixo tarxetas con "lemas" a favor da igualdade, para un photocall.
  

 

DÍA INTERNACIONAL DA MULLER: 8 DE MARZO de Bibliochicharrón Foz

As nosas mulleres

Publish at Calameo

15 DE MARZO - DÍA MUNDIAL DOS DEREITOS DO CONSUMIDOR

 Os nenos e nenas de terceiro e cuarto de primaria para conmemorar esta data realizamos esta presentación. Agardamos que vos guste!

15 de marzo de Docobo

PLAN DIRECTOR

Hoxe, día 12 de marzo, visitounos un Garda Civil da unidade de SEPRONA. Falounos da Natureza, dos animais, das plantas, dos incendios, de como evitalos, da investigación e da necesidade de coidala.

Esta charla foi para 5º e 6º de Primaria e de unha hora de duración.

Estivo moi interesante.

 

A VELLA NA BOTELLA

 Aquí vai o traballo de Radio Escolar do alumnado de quinto de primaria. Nesta ocasión organizámonos por grupos de traballo para ilustrar e poñerlle voz ao conto "A vella na botella" de Roberto Mezquita e Alejandro Galindo da Editorial OQO.

A VELLA NA BOTELLA POLO ALUMNADO DE 5º DE PRIMARIA

 

XLVIII CERTAME DE DEBUXO INFANTIL DE BEGONTE

 O Centro Cultural José Domínguez Guizán de Begonte, entidade promotora do Belén electrónico, convocou o XLVIII Certame de debuxo Infantil sobre "O Nadal".

Nel, Dídac García Díaz, alumno de 2º curso de Primaria, acadou un dos tres primeiros premios, dotado con 60 euros e trofeo.

Os premios entregáronnos o 27 de xaneiro no acto de clausura das actividades de O Nadal de Begonte.

Parabéns para Dídac, para a familia e para a titora.

 

 

DÍA DE ROSALÍA DE CASTRO

 O 23 de febreiro é o Día adicado a conmemorar a data do aniversario do nacemento da escritora, poeta e referente da cultura galega Rosalía de Castro e nós, coma todos os anos, celebrámolo.

• O alumnado de Educación Infantil colaborou na elaboración do mural sobre a escritora e traballaron nas aulas diversos contidos relacionados co tema.

• Os rapaces de Primaria, leron e ilustraron poemas de Rosalía para expoñelos polo cole.
   
• As nenas e nenos de 2º ilustraron un poema do libro "Cantares Gallegos". Comezaron falando da vida da escritora, escoitaron algúns poemas musicados por Amancio Prada e leron a poesía. Traballaron tamén o vocabulario e buscaron información en internet sobre os alimentos mencionados nos versos. Por último, fixeron un debuxo no que interpretaron o que lles suxería o texto.
  

 

ROSALÍA DE CASTRO de Bibliochicharrón Foz

PELÍCULAS E SERIES

 Nós, Paula Campo, Eliander, Paula López e Nico, investigamos sobre series e películas infantís, de acción, terror e comedia; así creamos este divertido podcast do que esperamos que disfrutedes moito a súa escoita!

ENLACE AO PROGRAMA