Biblioteca creativa polo 8M

 Como non... os nosos "axudantes de biblioteca" sumáronse ás actividades realizadas no centro para visibilizar o papel da muller na sociedade. 

Neste caso, a proposta foi a busca de información sobre unha muller que fose pioneira no seu tempo realizando algunha actividade considerada "de homes". Buscabamos mulleres cercanas, de Foz ou dos seus lugares de orixe, centrando así o traballo no contexto do noso proxecto de centro "Foz, xente de aquí e de acolá".

Coa información recompilada, elaboramos un panel para xogar cos escornabots. A través de dous códigos QR que atoparemos no panel accederemos á información achegada polos axudantes sobre as  diferentes mulleres e ás preguntas que responderán levando o escornabot á casilla correspondente.

Esperamos que disfrutedes moito con esta actividade!

ENLACE AO TRABALLO INFORMATIVO

ENLACE ÁS PREGUNTAS

24 DE FEBREIRO - DÍA DE ROSALÍA

 Na seguinte presentación podedes disfrutar dos traballos realizados para conmemorar o "Día de Rosalía".

ENTROIDO 2021

 Nun curso tan "estraño" coma este... o entroido non ía ser menos... pero por iso, non deixamos de perder a ilusión e disfrutalo. 

Así o venres día 5, un "personaxe" apareceu no cole cuns mandados aos que tiñamos que obedecer...

Foi diferente, pero pasámolo ben!

VÍDEO - ENTROIDO 2021

A DISCAPACIDADE

 A discapacidade é a limitación dalgunha facultade física ou mental que imposibilita ou dificulta o desenvolvemento normal da actividade dunha persoa.

O día Internacional das persoas con Discapacidade é o 3 de decembro.

Nós, no cole, por diversas circustancias non puidemos expor nesa data os traballos realizados xa que seguimos traballando neso posteriormente.

Cando consideramos que todo estaba listo, recopilámolos e fixemos a seguinte montaxe para visibilizar o bo facer do noso alumnado e sensibilizar á comunidade educativa da necesidade de integración das persoas que teñen algunha discapacidade.

En 5º e 6º de primaria, íamos traballar a temática con Marisol Bravos, persoa discapacitada e colaboradora de AUXILIA Lugo: asociación de voluntariado que ten como obxectivo a integración das persoas con discapacidade e enfermos de longa duración. Dita visita tivo que quedar adiada por mor da pandemia e agardamos que para a primavera podamos disfrutar da súa visita.

VÍDEO - DÍA INTERNACIONAL DAS PERSOAS CON DISCAPACIDADE

DÍA DA PAZ - 2021

 Ás veces preguntámonos.... por que se celebra o 30 de xaneiro o día da Paz?

O día escolar da non violencia e a paz, é unha observación fundada polo poeta español Llorenc Vidal, en Mallorca en 1964. Como punto de partida e apoio a unha educación pacificadora e non violenta, de carácter permanente. 

Quen foi Gandhi?

Mohandas Karamchand Gandhi,  máis coñecido por Mahatma Gandhi nado o 2 de outubro de 1969 foi un dos ideólogos e fundadores do moderno estado indio e un influínte defensor do principio da non agresión, como forma non violenta de protesta e como un medio de revolución.

Gandhi axudou a liberar a India do goberno británico, inspirando a outros pobos coloniais a traballar polas súas propias independencias.

Nós, este curso conmemoramos esta data bailando por aulas "A polca da paz".

Esperamos que vos guste!

 

 POLCA DA PAZ POLAS NENAS E NENOS DO NÚMERO 1

OBRADOIROS CON PAOLA GUIMERÁNS

 O luns día 18 de xaneiro, Paola Guimeráns estivo no noso centro para realizar varios obradoiros maker: E-Téxtiles, electrónica e makey makey.

Os talleres foron destinados ao alumnado de 5º e 6º de primaria polo premio acadado do Voluntariado de Lectura - A do curso pasado.

Realizáronse ao longo de toda a mañá nas que disfrutaron de dúas sesións por curso. Unha delas na biblioteca e outra na aula.

NOVO PROGRAMA - RADIO NA BIBLIO

 Aquí temos o 15 programa de "Chicharriños nas Ondas". Nesta ocasión, o alumnado de quinto de primaria, investigou e elaborou o programa sobre que é o coronavirus e outros aspectos relacionados.

Aqui van algunhas fotos do proceso de gravación: