UNHA VISITA MOI ESPECIAL...

O venres 29 de novembro, o alumnado de 5º e 6º de Primaria recibiron a visita de varias mulleres residentes na "Residencia e centro de día de Foz" xestionada por IDEA. Contáronlles os traballos que desempeñaron durante toda a súa vida.

Esta actividade entra dentro do proxecto "Educar en igualdade. A igualdade apréndese" promovido en xuño de 2019 pola ANPA  do Centro e financiado pola "Secretaría Xeral de Igualdade".

TALÍA TEATRO

Esta semana, o alumnado de Educación Infantil e 1º e 2º de Primaria, disfrutaron co grupo "Talía teatro" con "Rosa Caramelo e outros contos".

Esta sesión foi organizada pola ANPA do Centro dentro do programa de Igualdade.

DÍA DA INFANCIA

O pasado 20 de novembro celebramos no noso cole O Día da Infancia, un día adicado a todos os nenos e nenas do mundo. O alumnado de cuarto de primaria foi os encargado de coordinar esta actividade. Comezaron coa proxección dun vídeo onde recordaron os nosos dereitos fundamentais e organizaron un obradoiro de papiroflexia. Repartiron os distintos cursos e en grupiños fixeron de monitores. Os traballos realizados foron:
 

Infantil 3 e 4 anos: “O canciño protector”

Infantil 5 anos: “O coello xoguetón”

1º e 2º Primaria: “O comecocos dos dereitos”

3º Primaria: “A ra saltarina”

5º Primaria: “O globo dos nenos”

6º Primaria: “A pomba solidaria”

Finalmente, todos e todas xuntos, cantamos e escenificamos unha canción.

CONTRA A VIOLENCIA DE XÉNERO

Dende o noso centro queriamos aportar o noso gran de area para visibilizar o problema q sufre a nosa sociedade coa violencia de xénero.

Así, cada titoría, elaborou un mural con lemas, textos, debuxos… dándolle visibilidade e concienciando aos nosos rapaces para, pouco a pouco, conseguir un mundo mellor.

Con todos os traballos realizamos un mural que permanecerá un tempo na entrada do centro. Podedes pasar velo cando queirades!