1/31/2023

DÍA INTERNACIONAL DA PAZ

 Durante a última semana do mes de xaneiro o alumnado dos diferentes cursos realizou diferentes traballos para progresar na procura dun camiño de Paz.

O resultado dos traballos realizados foi o seguinte:

  • Educación Infantil, 1º e 2º de Primaria traballaron co lema "XUNTOS POLA PAZ". Elaboraron un chulísimo mural.
  • Os alumnos de 3º, 4º, 5º e 6º decoraron o debuxo das súas mans que expuxeron na subida das escaleiras as súas aulas. O lema foi "LA PAZ ESTÁ EN NUESTRAS MANOS".
  • A mestra de Plástica, coa colaboración do alumnado e de axudantes de biblioteca, fixo un mural dunha estupenda árbore elaborada con caras e corazóns. O lema é "DAMOS A CARA POLA PAZ" e a palabra PAZ en moitos idiomas.
  • O luns 30 de xaneiro todo o alumnado do cole, xunto co equipo docente, reunímonos no patio para conmemorar o Día da Paz bailando a coreografía da canción "¿Por qué no dar la mano?" de Hombres G. Aquí permanecemos un pouco máis de tempo bailando e gozando todos xuntos.
DÍA INTERNACIONAL DA PAZ E NON VIOLENCIA de Bibliochicharrón Foz

1/30/2023

VISITA Á BIBLIOTECA PÚBLICA MUNICIPAL "SALGADO TOIMIL"

O día 20 de xaneiro o alumnado de Educación Infantil, acompañados dos seus mestres, visitaron a Biblioteca Municipal.

Alí recibiunos Marta, a bibliotecaria. Mostroulles contos en diferentes formatos, explicoulles como teñen os libros clasificados, como deberían coidalos e leulles "O polo Pepe".

Seguidamente manipularon diversos contos.

Gustoulles moito.

Grazas Marta pola túa atención.


INFANTIL NA BIBLIOTECA MUNICIPAL de Bibliochicharrón Foz