12/23/2022

FESTIVAL FIN DE TRIMESTRE

 O xoves 22 de decembro recuperamos o noso tradicional festival de despedida do 1º trimestre. Despois do parón por mor do covid, ilusionados por volvernos xuntar e por poder compartir, tanto cos compañeiros coma coas familias, eses traballos que preparamos con tanta ilusión.

É tempo de Nadal. Papá Noel, os Reis Magos e mesmo o Apalpador estanse a preparar para visitar as nosas casas, que están engalanadas con abetos, grilandas, luces, beléns...

As mesas énchense de postres navideños, de bebidas espumosas...

Este espíritu navideño invadiu o xoves o noso cole, coándose nas obras que se interpretaron.

O alumnado de 5º de Infantil deleitounos cantando a canción "Está llegando el invierno".

O alumnado de 3º e 4º de Primaria divertíronnos coa obra "A postal de Nadal".

Os alumnos de 6º B escenificaron a obra "Vaia Noiteboa" e a rapazada de 6A, con música e bailes, puxeron punto final.

Agardamos que gozárades moito con eles.

Boas vacacións e bo comezo de ano 2023.


FESTIVAL FIN 1º TRIMESTRE de Bibliochicharrón Foz

12/21/2022

O INVERNO

 Chegou o inverno ao cole e con el o Nadal: murais, corredores, ventás, aulas, agasallos para as casa...

Mirade que bonito!!!!!!


INVERNO 2022 de Bibliochicharrón Foz

GUÍA DE LECTURA NADAL 2022

Ésta é a guía de lecturas recomendadas para éstas vacacións.

Agardamos que sexan do voso agrado.

 

GUÍA DE LECTURA NADAL 2022 de Bibliochicharrón Foz

12/19/2022

A MULLER NA CIENCIA

 Durante o mes de novembro, para conmemorar o mes da Ciencia, estivemos recompilando información de mulleres que destacaron na  Ciencia, tamén daquelas que traballan e teñen titulacións relacionadas con este campo e son familiares dalgún membro da nosa Comunidade Educativa - nais, tías, avoas, fillas...

Con toda a información elaboramos un mural titulado "AS NOSAS MULLERES", un "ABECEDARIO" doutras mulleres destacadas e un "Panel de xogo" para os escornabots.

Esperamos que vos guste o seguinte video.

AS NOSAS MULLERES NA CIENCIA 

 E as fotos tamén






12/16/2022

OS MONUMENTOS DO "CAMIÑO": A BASÍLICA DE SAN MARTIÑO

 Hoxe, 16 de decembro, o alumnado de 1º, 2º e 5º de Primaria visitaron a basílica de San Martiño. Alí estaba Silvia que lles fixo unha visita guiada moi axeitada, facendo referencia a cuestións históricas, arquitectónicas, de pintura....

Tamén visitaron a fonte de A Zapata, a carón da basílica. Aquí foi a mestra Lourdes a que os ilustrou sobre a súa lenda.

Esta viaxe para coñecer un pouco máis a nosa contorna foi por xentileza da ANPA.

 





E un anaquiño da súa Historia: A basílica de San Martiño

12/14/2022

A APALPADORA

 O martes 13 de decembro tivemos a visita da "Apalpadora" Antía e do seu compañeiro André.

Contáronnos moitas historias interesantes, ensináronnos a coidar a natureza, saíron nenos e nenas ao escenario para facelos máis partícipes deses contos. Todo acompañado por cantigas moi interesantes.

Gozamos desta sesión por xentileza da ANPA.












12/12/2022

IGUALDADE

 Continuando co programa de IGUALDADE da ANPA o alumnado de 5º de Primaria readaptou uns contos clásicos e foron contarllos aos nenos e nenas da Escola de Educación Infantil de Foz, A Galiña Azul.

Todos os nenos quedaron encantadísimos.

Os tres osos 

Os porquiños


IGUALDADE NA GALIÑA AZUL de Bibliochicharrón Foz

12/06/2022

DÍA MUNDIAL DA INFANCIA

 O día 20 de novembro celebrouse o DÍA MUNDIAL DA INFANCIA e o alumnado de 6º de Infantil fixo este mural tan chulo.

Canto traballastes!!!!!!!


DÍA MUNDIAL DA INFANCIA de Bibliochicharrón Foz

12/05/2022

DÍA INTERNACIONAL DAS PERSOAS CON DISCAPACIDADE

 Con motivo do DÍA INTERNACIONAL DAS PERSOAS CON DISCAPACIDADE, elaboramos un mural no que participou todo o alumnado do cole decorando cadansúa bolboreta, baixo o eslogán "Diferentes no seu voo pero co mesmo dereito a voar". Seguidamente o alumnado de 5º e 6º de Primaria foron polas aulas contarlles uns contos aos nenos e proxectarlles unhas curtas relacionadas coa Discapacidade.

Finalmente Marisol Bravos, mestra xubilada e persoa con discapacidade, veu dar unha charla ao alumnado de 5º e 6º.

Unhas exalumnas e  unha nai de Alfoz, colexio onde ela exerceu varios anos, enviáronlle dous videos de agradecemento pola súa amabilidade, atención, cariño, dedicación, bo facer...

Marisol publicou no seu Facebook o agradecemento ao cole polo emotivo día. Grazas, Marisol! 

Quedamos encantados.

VIDEO: DÍA INTERNACIONAL DA DISCAPACIDADE

 

DÍA INTERNACIONAL DA DISCAPACIDADE de Bibliochicharrón Foz

11/28/2022

25 DE NOVEMBRO: A VIOLENCIA NON É O CAMIÑO

 Soando de fondo o tema "La puerta violeta" de Rozalen, para conmemorar o DÍA INTERNACIONAL CONTRA A VIOLENCIA DE XÉNERO, o alumnado de 3º e 4º de Primaria homenaxeou as mulleres asasinadas no que vai de ano (37). Para isto comezaron a xornada facendo unha reflexión sobre as frases que máis escoitamos para reinvidicar estes feitos. A continuación, acorde co PDI anual , vincularon este día co "Camiño", representando o nome das mulleres asasinadas en cadansúa cuncha dos peregrinos. Todos xuntos tomamos unha decisión: A VIOLENCIA NON É O CAMIÑO".

Finalmente repartiron unhas chapas conmemorativas que eles mesmos deseñaron e elaboraron.

Ademais disto, nas diferentes titorías traballouse este tema intentando concienciar ao alumnado da importancia de que nada se soluciona con violencia: "O DIÁLOGO É O CAMIÑO"


25 DE NOVEMBRO: A VIOLENCIA NON É O CAMIÑO de Bibliochicharrón Foz

 

Continuando coas celebracións desta data, o mesmo alumnado de 3º e 4º recibiu unha visita moi especial: dúas usuarias do Centro de Maiores de Foz, Concha e Lola. Viñeron contarnos as súas vivencias como mulleres traballadoras e adiantadas á época na que lles tocou vivir. Falaron da desigualdade que había entre homes e mulleres e as dificultades coas que se atoparon. Para rematar, contáronlles un conto e aproveitaron para recordar a súa etapa escolar.

Esta actividade está englobada no Proxecto de Igualdade da ANPA do noso Centro.

Concha e Lola un exemplo a seguir!!!!! BRAVAS!!!!!

 

CONTOS NO CAMIÑO de Bibliochicharrón Foz

11/14/2022

Magos Sara e Carlos

 Continuando coa actividade de IGUALDADE proposta pola ANPA, hoxe tivemos unha hora de MAXIA coa maga Sara e co mago Carlos, para o alumnado de Infantil, 1º e 2º de Primaria. 

Gustounos moitísimo.


MAGOS SARA E CARLOS de Bibliochicharrón Foz

11/11/2022

SAN MARTIÑO

 "Polo San Martiño, peóns ao camiño"

Bonito refrán para esta data. Hoxe, 11 de novembro, dende as 12:00h, tivemos unha estupenda festiña: magosto e xogos populares: cordas, peóns, sacos, xogos con castañas, bolos, aros...

O alumnado de 6º estivo repartido en grupos de 4 ou 5 persoas facendo de monitores nos diferentes xogos. Os outros cursos foron rotando por cada un deles.

Gozamos moitísimo.


SAN MARTIÑO de Bibliochicharrón Foz

11/10/2022

IGUALDADE

O luns día 7 de novembro, dentro do marco de subvencións da Xunta de Galicia á ANPA para fomentar a IGUALDADE DE XÉNERO, visitounos o humorista e contacontos Caxoto co seu espectáculo "Vellos contos, novos finais". Dirixida a 1º, 2º, 3º e 4º de Primaria.

O obxectivo desta actividade é que as nenas e nenos do noso colexio teñan exemplos de contos non sexistas e que sexan capaces de recoñecer o machismo oculto nos contos tradicionais.

O mesmo día, en colaboración coa Garda Civil, tivemos outra actividade moi interesante para a etapa de Infantil. A actividade consistiu en ensinarlle ao alumnado un uniforme do Corpo da Garda Civil. A continuación as mestras pedíronlles que intentaran adiviñar se pertencería a un home ou a unha muller.

O obxectivo desta actividade era romper cos ESTEREOTIPOS MACHISTAS que a nosa sociedade nos inculca xa desde que somos persoas ben pequeniñas.

Algunha foto:


IGUALDADE de Bibliochicharrón Foz

10/28/2022

O Samaín

 O Samaín é a festividade de orixe celta máis importante do período pagano en Europa ata a conversión ao cristianismo. A noite do 31 de outubro ao 1 de novembro servía como celebración da fin da tempada da colleita na cultura celta  e era considerada como o "Ano Novo Celta", que comezaba coa estación escura.

É tanto unha festa de transición (o paso dun ano a outro) coma de apertura ao outro mundo. 

Significa "fin do verán".

No Cole celebrámolo da seguinte maneira:

  • Alumnado de Infantil, 1º e 2º de Primaria: decoraron cabazas, en familia, e expuxémolas no recibidor do edificio de Salvaddor de Madariaga.
  • 3º, 4º, 5º e 6º de Primaria: decoraron sombreiros, en familia, e expuxémolos no edificio de Eduardo Pondal.  
  • O alumnado de 5º e 6º participou nun "scape room", onde mediante a realización de diversos retos acordes aos contidos curriculares traballados, recibían unha serie de pistas de cara a consecución dun obxectivo final. Estiveron moi entretidos, traballaron en equipo e acordaron a súa recompensa. Foi unha actividade XENIAL!!!!!!!

 O venres 28 as familias que o desexaron pasaron ver as exposicións.

Quedaron xenial. Mirade!!!!

BIBLIOTECAS ESCOLARES de Bibliochicharrón Foz

Bibliotecas Escolares

Continuando co traballo da Biblioteca deste curso, destacando a reorganización e ampliación con novos materiais do "espazo maker", 


conmemoramos este día cunha exposición de recomendacións lectoras do alumnado de Primaria, a partir dun modelo elaborado polo Equipo de Biblioteca.

Os mestres e mestras completamos esta exposición aportando o noso libro favorito.










10/25/2022

O outono

 Mirade que portas, ventás e traballos de aula tan chulas:


PORTAS E VENTÁS NO OUTONO de Bibliochicharrón Foz

10/24/2022

O outono

 O outono xa está plenamente instalado no calendario e nas nosas vidas.

Nós, o cole ímolo ambientando con motivos relacionados coa estación: follas recollidas polos nenos, outras coloreadas por eles, cabazas, sombreiros de...(sorpresa!!!!) e outras actividades destas datas, como a apertura da Biblioteca (espazo multidisciplinar), Día das Bibliotecas, Samaín...

 



CONTINUARÁ...


 


10/20/2022

Plan Director: O acoso escolar

 O martes día 18, o alumnado de 5º, recibiu a visita dun membro da Garda Civil. O tema a tratar foi "O acoso escolar", charla solicitada polo Colexio dentro do Plan Director.

Foi unha exposición moi amena. Presentou diversas situacións vividas por personaxes públicos, coñecidos por todos nós, nas que destacou o papel das redes sociais nas situacións de acoso.

Consideramos necesario e importante que os nosos rapaces coñezan como reaccionar ante estas situacións e, sobre todo, como non ser parte nin propiciar que ninguén se sinta acosado. 





10/14/2022

Limpamos A Rapadoira

 Hoxe, partindo da proposta que nos fixo ADEGA, o alumnado de 5º e 6º de Primaria e as súas mestras participaron nunha xornada de recollida de lixo na praia de A Rapadoira. Medio Ambiente do Concello  proporcionounos as bolsas, luvas e recolleu o lixo ao rematarmos. Participaron algúns pais e nais e Radio Foz tamén se interesou pola actividade, facéndonos unha entrevista telefónica in situ. Temos que dicir que había pouco lixo e que nos sorprendeu o compromiso cada vez maior que ten a xente polo coidado da natureza.

Grazas a todos por coidar o entorno.













 


10/07/2022

Apertura da biblioteca

 Hoxe tivemos o acto de apertura da Biblioteca.

O alumnado de sexto decorouna e preparou a escenificación do conto "Ra de tres ollos" para todos. Conto para concienciar aos rapaces do consumo sostible e do coidado do Medio Ambiente.

Todos pasaron pola Biblio en dúas quendas: Infantil, 1º e 2º, 3º, 4º, 5º e 6º.

Entregamos as "mochilas e as bolsiñas viaxeiras", dúas por curso.

Tamén os agasallamos con cadansúa chapa.

Esperamos que gozaran do acto e xa poden facer uso dos fondos existentes. 

Grazas ao alumnado e as mestras e mestres tamén.

APERTURA DA BIBLIOTECA de Bibliochicharrón Foz

10/05/2022

Un pouco de Historia

 O profesor Luis Tornamira volve ás aulas para falarlles da nosa Historia ao noso alumnado.

Hoxe, os alumnos de 5º, 6º e as súas titoras reunidos na Biblioteca tiveron unha visita moi especial: o profesor Luis, avó dun alumno do mesmo nome, de 6º, veu contarlles como foi o Al-Andalus. 

Quedaron encantados.

Agradecemos moito a súa colaboración. GRAZAS