MANDADOS DE SAMAÍN

 Chegan os mandados de Samaín!!!

A vindeira semana imos celebrar o samaín dunha maneira moi especial, seguindo o fío do noso PDI deste curso: A maxia.

Ao longo da semana, chegarán os mandados de Samaín, que nos indicarán como debemos vir disfrazados/as ao cole cada día.

Haberá que estar moi atentos, porque cada día publicaremos o mandado correspondente ao día seguinte.

Hoxe descubrimos o primeiro mandado: o do luns!

Estade moi pendentes e preparade os vosos disfraces... A maxia está a piques de comezar!!

CONTACONTOS: COCIÑANDO HISTORIAS DE IGUALDADE

O pasado venres, 16 de outubro a partir das 16:30, por xentileza da ANPA, o contacontos  HUGO deleitou ao público asistente con catro contos moi interesantes e cunhas cancións grupais.

CASIÑAS DE CONTO

O día 1 de outubro o alumnado de 6º, o seu mestre e mestras foron visitar "As casiñas de conto" do proxecto  de vida, ensinanza, creatividade e ecoloxía que David Val está impulsando en Vilaxoane, Foz.

Ver Casiñas de conto

GUSTOUNOS MOITO, GRAZAS DAVID.

CURSO 2026-2027

Dende a BIBLIOTECA damos a BENVIDA  AO NOVO CURSO ESCOLAR.

Agardamos que faigades moito uso dela e que gocedes moito lendo.

BO CURSO

CURSO 2026-2027 de Bibliochicharrón Foz

FESTIVAL FIN DE CURSO

 Un curso máis remata e nós despedímolo de maneira especial:

•  Un estupendo festival no que actuaron os seguintes cursos:

5º de Infantil escenificou a canción "Dime que fixeches".

6º de Infantil actuou coa peciña "Xa rematou Infantil".

2º de Primaria deleitounos con "A outra Carapuchiña".

6º de Primaria representou "Folga no museo Número 1". Esta obra é o derradeiro traballo relacionado co PDI "Neste cole todos e todas pintamos algo".

O mércores 17 de xuño actuaron para o alumnado e mestres e o xoves 19 para as familias.

GOZAMOS MOITÍSIMO!!! NORABOA PARA OS MESTRES, MESTRAS E ALUMNADO!!!

• A graduación dos rapaces e rapazas de 6º de Primaria e do alumnado de 6º de Infantil.

• Entrega de agasallos ao "Voluntariado lector".

BOAS VACACIÓNS E BO VERÁN!!!

RECOMENDACIÓNS LECTORAS

 Un curso máis publicamos as RECOMENDACIÓNS LECTORAS PARA O VERÁN. 

Agardamos que gocedes delas.

RECOMENDACIÓNS LECTORAS VERÁN 2026 de Bibliochicharrón Foz

PAROLADAS Nº63

 Xa está dispoñible un novo número de "Paroladas", o xornal escolar do noso centro.

Nesta edición recollemos unha mostra das actividades, proxectos e experiencias desenvolvidas ao longo do curso polo alumnado e o profesorado.

Convidámosvos a desfrutar desta nova publicación, froito do esforzo e da colaboración de toda a comunidade educativa.

Agardamos que vos guste a lectura!

PAROLADAS Nº63 - VERSIÓN IMPRIMIBLE

PAROLADAS 63 2025/2026 de ceipdefoznumero1 plurilingüe