CHARLA NO IES DE FOZ

 O alumnado de 4º de Primaria asistiu ao IES de Foz para participar nunha charla de alumnos sobre "As capacidades cerebrais".

Foi unha actividade moi interesante e lúdica, xa que houbo moita interacción a través do xogo.

MUSEBOT: O MISTERIO DOS 7 MUSEOS E TEATRO

•  Programa de "Biblioteca creativa"

Para rematar o traballo do PDI, na área de PC, Noelia e Jose xunto co alumnado de 5º, 6º divididos en sete grupos e coa colaboración de 3º e 4º de Primaria investigaron sobre os 7 museos, os sete autores e os sete cadros, deseñaron e montaron o MUSEBOT: O MISTERIO DOS 7 MUSEOS na aula de "polos creativos". 

É un xogo de mesa no que se despraza un escornabot despois de lanzaren un dado e seguindo a dirección axeitada para chegar á casiña elexida.

Segundo as ilustracións das casas onde caian teñen que resolver retos relacionados co espazo maker e robótica ou escoitar audios gravados polos rapaces de 5º e 6º para adiviñar de que museo se trata. O autor poderán descubrilo resolvendo un xeroglífico e descubrirán o cadro do autor a través dun código QR.

O obxectivo é chegar á casiña do final descubrindo os 7 museos, 7 pintores e e7 pinturas acadando un agasallo individual.

Por esta aula de "Polos creativos" todos os cursos pasaron xogar, por quendas e en dúas sesións, a última semana de maio e a primeira de xuño. 

investigando, deseñando... de Bibliochicharrón Foz

• A derradeira actividade relacionada co PDI é a obra de teatro titulada "Folga no museo do Número 1", escrita e dirixida polo alumnado de 6º de Primaria, o seu titor e a mestra de Música.

Nela, as rapazas e rapaces representan 8 pintores cos seus respectivos 8 cadros.

Nesta obra, os cadros, de forma cómica, cobran vida e comezan a reclamar dereitos laborais.

Chegarán a un acordo?

Agardamos saír de dúbidas no festival de fin de curso o vindeiro 19 de xuño.

OBRADOIRO DE BIBLIO CREATIVA

 O centro tivo a oportunidade de participar nun obradoiro de imprenta creativa da man de Alouette Machine, unha proposta que recupera a técnica artesanal da impresión tradicional dunha maneira dinámica, participativa e manipulativa.

Durante dous días, todo o alumnado do cole foi pasando pola actividade en distintas quendas, coñecendo de preto o funcionamento da imprenta e experimentando co proceso de creación e composición.

Durante o obradoiro, os nenos e nenas elaboraron os seus propios carteis, combinando letras, tintas e creatividade nunha experiencia moi enriquecedora e diferente. 

QUEDAMOS ENCANTADOS!!! NORABOA POLA ACTIVIDADE!!!

OBRADOIRO DE RADIO ESCOLAR

 O pasado 13 de abril, o alumnado de 5º e 6º de Primaria participou nun interesante obradoiro de radio na biblio da man de Damián Alonso, actor de dobraxe, pertencente ao proxecto Ponte... nas Ondas!

Durante a actividade, os nenos e nenas traballaron aspectos relacionados coa comunicación oral, como a dicción, a entoación e a lectura expresiva de textos, realizando tamén pequenas gravacións radiofónicas.

Foi unha experiencia moi enriquecedora e motivadora, na que o alumnado puido achegarse ao mundo da radio de maneira práctica e divertida. 

A PETANCA

 O xoves 21, o luns 25 e o mércores 27 de maio o alumnado de 6º, 4º e 5º de Primaria foron xogar á petanca. Convidounos Isma - pai de Martiño, alumno noso de 5 anos - e membro  do club A Rapadoira de Foz, para dar a coñecer e practicar éste xogo tradicional galego. Teñen catro pistas axeitadas preto das torres e alí estaban tres xogadores, Isma, Luis e Benilde. Explicáronlles unhas regras básicas para empezar a xogar e fixeron equipos de tres ou dúas persoas.

A petanca é un xogo no que o obxectivo é lanzar bólas, dende un aro, o máis cerca posible dun boliche, lanzado anteriormente por un xogador.

GOZAMOS MOITO. GRAZAS A ISMA, LUIS E BENILDE.

OBRADOIRO DE BAILE GALEGO

 O venres 22 de maio A Subela de Foz convidou ao alumnado de 1º de Primaria a un obradoiro de baile galego na sala Bahía.

REGRESARON ENCANTADÍSIMOS, GOZARON MOITO.

GRAZAS Á SUBELA

LETRAS GALEGAS

2026 - Begoña Caamaño

No barrio vigués do Calvario nace no ano 1964 Begoña Caamaño Rascado, unha nena curiosa, rebelde e vivaz que medra nun ambiente de xogos e lecturas, de lama e asfalto, de campos e hortas nos que desenvolve as primeiras experiencias de vida que a van marcar na maneira de ver o mundo e de entendelo.

LETRAS GALEGAS 2026

Cartel elaborado no obradoiro de Imprenta creativa.

Cartel elaborado polo alumnado de Infantil

Durante o mes de maio traballamos para conmemorar AS LETRAS GALEGAS:

• O equipo de DLG, coma cada curso, deseñou un marcador de punto de lectura para repartir a cada neno e nena e que o decoraran. Unha vez rematados, plastificáronse e leváronse ás librarías de Foz para que agasallaran ás persoas que mercaran libros en galego por estas datas:

• Traballouse a escritora por aulas:

• Faremos o FESTIVAL DE FIN DE CURSO