CONTACONTOS

O pasado 5 de febreiro, Javier Agrelo, pai da exalumna Lucía, agasallou ao noso alumnado e profesorado cuns divertidos contos escritos por el a partir de dados para crear e contar historias.

PASAMOS DÚAS HORAS MOI ENTRETIDAS!!!

GRAZAS JAVIER!!!

COÑECENDO SENEGAL

 Hoxe tocou saber un pouco máis de Senegal, o país de onde é orixinario o noso compañeiro Cheikh.
A súa nai preparou para nós un saboroso arroz con carne e langostinos que degustamos encantados. Tiña un punto picante que o facía delicioso, aínda que non a todos lles gustou.
Logo, Cheikh amosounos fotos do lugar onde vivía. Fíxonos moito aquel velo pequerrecho!!! Tamén proxectou un vídeo dunha festa que se celebra na súa comunidade cada vez que hai un nacemento. E, para rematar, bailounos ao ritmo da música da súa terra. 

Resultou unha actividade moi interesante.

 

 

COÑECENDO PERÚ

 Para que puidésemos saber un pouco máis de Perú, o país do cal é orixinario o noso compañeiro Josué, presentounos un vídeo con imaxes de lugares destacados, así como das comidas e mesmo da flora e da fauna do lugar de onde vén. Logo, mostrounos fotos de distintos momentos da súa vida, para rematar degustando uns pratos e unha bebida que a súa nai preparou para nós.
Preparounos un arroz con pito e unha crema de huankaina para acompáñalo, seguido de dous pratos tamén de arroz, arroz con leite e mazamorra e arroz zambito.
Para beber tomamos chicha morada. 

Todo estaba moi saboroso. 

Foi unha experiencia moi interesante. 

Moitas grazas a Josué e a súa familia.

 

 

COÑEZO E COIDO A CONTORNA: A APICULTURA

 O alumnado de Educación Infantil, 1º e 2º de Primaria traballaron unha parte do PDI anual "Coñezo e coido a contorna" adicado ás abellas e a todo o que as rodea: "A apicultura".

 

• Solicitouse a colaboración das familias para que aportaran todo tipo de materiais tanto necesarios para traballar coas abellas como bibliográficos. Todo o aportado expúxose no recibidor do colexio tanto para ser visibilizado, como para traballar con el nas aulas.
  
  
  
• O alumnado realizou pequenos proxectos de aula.
• Para rematar o Proxecto, completouse a exposición inicial cos traballos realizados nas aulas.
  

A APICULTURA de Bibliochicharrón Foz

Todos os nenos e nenas pasaron pola exposición, ben sos ou acompañados polos seus mestres.

Gustounos moito, noraboa aos participantes.

Hoxe, 8 de maio, visitounos Beatriz do Consello Regulador Indicación Xeográfica Protexida "Mel de Galicia" para darlles unha charla ao alumnado de Primaria sobre a apicucultura. Trouxo varios materias necesarios nesta actividade e agasallos para cada neno: mel e bolsiñas.

 

E se queredes saber algo máis deste consello regulador éste é o enlace:

Mel de Galicia

E para rematar o traballo de A apicultura, onte 22 de maio visitou ao alumnado de Educación Infantil Marifé, apicultora de O Valadouro. Fixo unha gran exposición didáctica sobre o seu traballo: exposición de materiais, explicacións, teatriño cos nenos, manipulacións diversas... 

Gozaron moitísimo.

A APICULTURA de Bibliochicharrón Foz

A semana do 21 ao 24 de maio, de 9:05 a 9:30 e de 13:30 a 13:50, as familias que puideron podían pasar ao cole e visitar as exposición dos traballos realizados e relacionados co PDI anual "Coñece e coida a contorna".

ESPEREMOS QUE VOS GUSTARAN OS TRABALLOS REALIZADOS.

FOMENTO DA LECTURA

 Hoxe, día 2 de maio, a mamá de Xulia de 4º de Infantil visitou na biblioteca ao alumnado máis peque do centro para contarlles o conto "A eiruga impaciente".

Todos estivemos moi atentos.

 

 

COÑECE E COIDA O TEU ENTORNO: FLORA E FAUNA

 A principios do segundo trimestre enviamos ás familias unha nota pedíndolles fotos de flora e/ou fauna da contorna para poder coñecela un pouco máis e así valorala e coidala.

A resposta que tivemos foi xenial, moitas fotos nos enviaron!!!!!.

Con elas decidimos montar un libro xigante coa axuda dos axudantes de biblioteca.

A continuación vémolos traballando e concentrados na labor.

Rematamos a montaxe do libro xigante coas fotos enviadas polas familias do noso alumnado.

Expoñémolo no recibidor do colexio. 

Quedou xenial, gústanos moito e pensamos na posibilidade de compartilo con outros centros da contorna.

 

 

DÍA INTERNACIONAL DA MULLER: 8 DE MARZO

 O día 8 de marzo celebramos os logros das mulleres en todos os campos e tamén pedimos máis avances na igualdade entre elas e os homes.

No cole, conmemorámolo da seguinte maneira:

• Fixemos un mural para o recibidor do cole con caras de mulleres recortadas de revistas, coa participación de todos.
• Visitounos Chus, mamá de Carmela, alumna de 3º.,traballa na Consellería de Medio Rural, no servizo de incendios forestais. Falounos da flora e fauna do entorno, da necesidade de coidalo, da perigosidade dos incendios e da necesidade de evitalos.
• Nas aulas fixéronse traballos para reflexionar sobre a igualdade.
• En Plástica, os cursos de 3º, 4º 5º e 6º fixeron a flor de "A nosa muller máis importante". Estas flores forman parte do mural da entrada.
• O alumnado de 5º e 6º elaborou o libro titulado "As nosas mulleres", onde se poden ver mulleres galegas que destacan pola súa profesión: cantantes, científicas, futbolistas...
• Este mesmo alumnado fixo tarxetas con "lemas" a favor da igualdade, para un photocall.
  

 

DÍA INTERNACIONAL DA MULLER: 8 DE MARZO de Bibliochicharrón Foz

As nosas mulleres

Publish at Calameo

OUTONO E SAMAÍN

 Durante o mes de outubro estivemos decorando as aulas e o cole en xeral con motivos outonais. 

Fixéronse tamén exposicións de froitas de tempada en varias aulas.

Rematamos o mes cunha exposición de cabazas, vasoiras e sombreiros decorados aportados polo noso alumnado.

OUTONO E SAMAÍN de Bibliochicharrón Foz

Grazas ás familias pola súa colaboración. 

ANTROIDO 4

 De quen serían os pés máis orixinais de onte?

De Vera, de cuarto de Primaria!!!!!!!!

E hoxe... máis!!!!! 

Tocoulle á cintura!!!! Agardamos que vos guste.

ENTROIDO 4 de Bibliochicharrón Foz

O VENRES DISFRAZ LIBRE E FESTA RACHADA!!!!!!!