BIBLIOCHICHARRÓN

9/10/2024

CURSO 2024/2025

O Equipo de Biblioteca davos a BENVIDA ao curso escolar 2024/25 e agarda que o pasedes xenial aprendendo e compartindo moitas cousas.

"O que le moito e anda moito ve moito e sabe moito".

Miguel de Cervantes

CURSO 2024/2025 de Bibliochicharrón Foz

9/02/2024

DERRADEIRAS NOVAS DO CURSO 2023/24

O pasado 14 de xuño no Multiusos Fontes do Sar en Santiago de Compostela tivo lugar a entrega de premios do XX Concurso Mellor Xornalista Infantil e Xuvenil convocado por La Voz de Galicia. Nel resultaron gañadores na categoría Infantil A dous alumnos de 2º de Primaria do noso Centro: Martín Vázquez Couto (1º premio) e Dídac García Díaz (2º premio).

Falláronse tamén no mes de xuño os premios da fase local do Certame de narración e debuxo infantil Letras Galegas 2024 convocado pola Biblioteca Provincial de Lugo. O tema proposto era "Ler para pensar, pensar para ser libres". Na categoría A obtiveron premio varios alumnos de 2º de Primaria.

En Debuxo o 1º foi para Aldara Sánchez Rodríguez e en Narración o 1º para Roma Valhermoso Ramírez, o 2º para Dídac García Díaz e o 3º para Aldara Sánchez Rodríguez.

Marta, a bibliotecaria municipal, e Inés, concelleira de Cultura do Concello de Foz, entregáronlles os premios neste cole e toda a clase posou para unha foto do acto.

PARABÉNS PARA OS PREMIADOS!!!!!!!!