RECREOS SCRACH

Nestas últimas semanas, tivemos varios recreos "Scrach". Previo á realización destes obradioiros, os nosos "Axudantes de Biblioteca" de sexto curso, encargáronse de promover e anotar a aqueles rapaces de Primaria que quixeron participar.

Os axudantes de biblioteca, recibiron anteriormente a estes recreos, unha sesión de formación para ser monitores nos obradoiros.

A actividade foi todo un éxito, cunha participación do 80% do alumnado de Primaria, onde aprenderon a programar manexando este programa.

SECCIÓNS BILÍNGÜES

No seguinte enlace podedes ver o resumo das actividades realizadas neste curso nas sección bilingües do Centro, na área de Educación Artística Plástica de 1º e 2º de Primaria:

WEB DO CENTRO: Resumo das actividades nas seccións bilingües.

VISITA DOS GARDAS FORESTAIS

O pasado 3 de maio, viñeron polo Centro os Gardas Forestais a ensinarnos un montón de cousas. Na páxina web podedes ver fotos desta visita:

WEB DO CENTRO: VISITA DOS GARDAS FORESTAIS.

INTERVIEW TO EMILY

Estamos todos un pouco tristes... a nosa auxiliar de conversa, Emily, rematou o seu tempo de traballo no noso Centro. Estivemos encantados de compartir este ano de traballo con ela. Desexámoslle moita sorte e esperamos volver a vela!!!
Antes de marchar, os rapaces de sexto, prepararon na aula de inglés un novo programa de radio escolar, no que lle fixeron una entrevista a Emily.

Escoitade, escoitade…

PROGRAMA Nº 7: INTERVIEW TO EMILY

BUSCAMOS NOME PARA A NOSA RADIO

Como consecuencia da posta en marcha da nosa radio escolar, convocamos un CONCURSO de ideas para darlle un nome.

 

BASES:

ü Poderán participar todos os nenos e nenas de  Educación Primaria.

ü As ideas serán orixinais e inéditas e deberán ser entregadas na biblioteca, nun sobre pechado onde se indique o nome e apelidos do autor.

 PRAZO DE PRESENTACIÓN:

ü O prazo para a presentación dos traballos será dende o luns 27 de maio ata o 7 de xuño.

ü Un xurado emitirá o veredicto que se dará a coñecer o venres 14 de xuño.

ü Haberá premio!!!

ANÍMATE A CONCURSAR!!!