TÍTERES NA BIBLIOTECA

O pasado 7 de decembro, por xentileza da ANPA, visitounos un titiriteiro do grupo de teatro e marionetas "Trécola".
Pola biblioteca pasaron todos os rapaces do cole organizados en dous grupos onde disfrutaron de varias historias a través dos títeres.
- Infantil e primeiro curso de Primaria, en horario de 10:00 a 11:00 horas.
- 2º, 3º, 4º, 5º e 6º de Primaria, en horario de 11:00 a 12:00 horas.

DÍA INTERNACIONAL CONTRA A VIOLENCIA DE XÉNERO

Este curso foron os rapaces de quinto e sexto de Primaria os que investigaron, elaboraron e expuxeron para todo alumnado e profesorado do centro.
Conmemoramos dita data o pasado 25 de novembro, na biblioteca, co seguinte programa:

•  Exposición bibliográfica de materiais para utilizar relacionados co tema, con carteis envíados pola Asistencia Social do Concello.

• ALUMNADO DE QUINTO:
• Lectura de murais en forma de corazón con frases e debuxos alusivos ao tema, con música de fondo de Bryan Adams e Paco de Lucía "To really love a woman".
• Coreografía de alumnas coa canción "Imagine" de John Lennon.
• Danza por grupos da canción "I will survive" de Gloria Gaynor, participando todo o curso.

• ALUMNADO DE SEXTO:
• Definición do termo "Violencia de Xénero".
• Breve referencia ás irmás Mirabal e explicación de por qué se elixiu ese día (25 de novembro).
• Distintos tipos de violencia de xénero e breve dramatización de cada un deles: física, psicolóxica, social, económica e sexual.
• Referencia ao 016 como teléfono de axuda.
• Exposición de carteis con mensaxes alusivas ao tema.
• Posta en escea das cancións de Bebe e Huecco.

• Exposición na entrada do centro dos murais elaborados para o acto conmemorativo.