10/20/2025

UN MAR DE DIVERSIDADE

 A asociación Guillem Veiga Iglesias, de Barreiros, prestadora de recursos sociais, leva a cabo un proxecto titulado "UN MAR DE DIVERSIDADE". Con este proxecto pretende aproximar á infancia o concepto de DIVERSIDADE. O obxectivo é que os nenos "vivan" as diferentes discapacidades en primeira persoa para empatizar, despertar o interese na diferenza e nas dificultades que a sociedade lle impón a estas persoas e perder o medo a relacionarse con xentes diferentes. En definitiva, entender e valorar a diversidade en xeral en todos os ámbitos da vida.

O venres 17 de outubro realizaron unha fermosa actividade no pavillón do noso cole para o alumnado de 4º de Primaria.  Montaron unha serie de stands onde aprendían a recoñecer as trabas coas que se pode atopar o alumnado con diversidade funcional: motóricos, xordos, invidentes ou persoas con autismo.

A actividade estaba organizada en tres partes:

  • Presentación sobre as características do noso mar e a riqueza da diversidade.
  • Primeira parte do circuíto, onde os grupos circulan polos stands.
  • Segunda parte do circuíto, para seguir circulando polos stands.

Tiveron que enfrentarse a algúns deses retos e experimentar a discapacidade en primeira persoa.

Actividades moi interesantes para fomentar a INCLUSIÓN,  entender e apreciar a DIVERSIDADE.













CIBERSEGURIDADE

 O mércores 15 de outubro, o alumnado de 4º de Primaria achegouse ao CENIMA para participar nunha actividade sobre "Ciberseguridade" ofrecida polo Centro Nacional de Ciberseguridade.

Despois dunha charla informativa practicaron a teoría con diversos xogos.

FOI UNHA ACTIVIDADE MOI DIVERTIDA E INTERESANTE!!!








10/14/2025

AUGAS DE GALICIA

 Campaña gratuíta de concienciación sobre as inundacións por desbordamento de ríos.

O noso centro escolar está situado nunha zona especialmente vulnerable. Para contribuír a incrementar a concienciación sobre o risco e mellorar a preparación da poboación sobre posibles inundacións, Augas de Galicia está a desenvolver unha serie de accións dentro do Plan de Xestión do Risco de Inundación.

Para chegar a nenas e nenos, deseñaron un obradoiro lúdico para escolares de Educación Primaria. O obradoiro contempla actividades informativas, xogos e reparto de información sobre o Plan.

A duración do mesmo é dunha hora e dispón de actividades adaptadas para 1º e 2º, 3º, 4º , 5º e 6º  de Primaria.

 Nós participamos delas hoxe, 14 de outubro, en quendas de 50 minutos.

GOZAMOS MOITO!!!!!
















PROMOCIÓN DA CULTURA MARÍTIMO-COSTEIRA DE GALICIA

 O venres 10 de outubro, a compañía Micromina Teatro de títeres viaxou ao noso centro para realizar a representación da obra de títeres "Peixe fresco do día".

 Ésta actividade debeuse a que o noso cole está incluído no programa "Promoción da cultura marítimo-costeira de Galicia, promoción e difusión da sostibilidade e da alimentación saudable a través do teatro de títeres" organizado pola asociación cultural Tanque de Zinc de Mondoñedo.

A obra durou uns 40 minutos, dirixiuse ao público de Infantil e 1º Ciclo de Primaria e promovía entre o alumnado e dun xeito lúdico os seguintes obxectivos:

  • O coñecemento da cultura marítimo-pesqueira de Galicia.,
  • a sostibilidade económica e medioambiental, e
  • a importancia de seguir unha dieta saudable que inclúa produtos do mar.


GOZAMOS MOITO!!!!!! GRAZAS!!!!!!











10/06/2025

CONTACONTOS

 A ANPA do noso colexio deleitounos cun contacontos, na biblioteca, o pasado venres 3 de outubro, ás 17:00 da tarde.

Os encargados desta actividade foron un alumno de 1º de Primaria, Aleixo, e a súa mamá.

MOITAS GRAZAS!!!!!!








9/15/2025

INSCRIPCIÓN - VOLUNTARIADO LECTOR

 O alumnado de sexto curso que queira colaborar coa biblioteca, debe rechear a inscripción no seguinte formulario. 

O prazo de inscripción remata o 30 de setembro.


9/10/2025

COMEZO DE CURSO

 BENVIDAS E BENVIDOS AO NOVO CURSO!

Un ano máis, a nosa biblioteca abre as súas portas chea de ilusións, contos e aventuras por descubrir. Comeza un novo curso escolar e queremos acompañarvos nesta viaxe chea de aprendizaxe e soños compartidos.

Aquí atoparedes libros para deixar voar a imaxinación, espazos para investigar e recursos que vos axudarán en cada materia. Pero sobre todo, queremos que a biblioteca sexa un lugar de encontro: para ler, falar, crear e aprender xuntos.

Este curso temos preparadas novidades, actividades de animación á lectura e algunhas sorpresas que iremos contando no blog. Animámosvos a visitarnos, levar libros en préstamos e participar con entusiasmo en todas as propostas.

QUE A LECTURA NOS ACOMPAÑE EN CADA PASO DESTE NOVO CURSO!!