EXPOSICIÓN DE SAMAÍN

Que bonito estivo o centro coa exposición de cabazas e vasorias, decoradas especialmente para o Samaín!!!

Dende o Centro damos as grazas ás familias por implicarse e colaborar con nós; así disfrutamos dunhas terroríficas cabazas realizadas polo alumnado de Educación Infantil e dunhas espectaculares vasoiras que trouxo o alumnado de Educación Primaria.

Esta exposición foi complementada por una selección de fondos bibliográficos que animaron aos nosos rapaces a viaxar por historias espeluznantes....!!!

DÍA DAS BIBLIOTECAS ESCOLARES

O pasado 24 de outubro conmemoramos o "Día das Bibliotecas Escolares". Aproveitamos a ocasión para inaugurar a biblioteca que por mor das obras, tivo que permanecer pechada para poder colocala axeitadamente.

Todo o alumnado pasou pola biblioteca en tres sesión:

- 5º e 6º de Primaria, recibiron unha pequena formación de usuarios, entregámoslles as mochilas viaxeiras, cubriron a ficha para participar na selección de "Axudantes de Biblioteca" e "Colaboradores de Radio na biblio". Para rematar escoitaron o conto "O crebacabezas".

- 3º e 4º de Primaria, presentóuselles a nova biblioteca, repartimos as mochilas viaxeiras e escoitaron o mesmo conto anterior.

- Infantil, 1º e 2º de Primaria, presentóuselles a nova biblioteca, repartimos as bolsiñas de infantil e as mochilas viaxeiras e escoitaron o conto "Ramón e Ramona".

Aí vai unha selección de fotos do día:

8º PROGRAMA DE "CHICHARRIÑOS NAS ONDAS"

Ola a todos, arrancamos a nosa programación anual da Biblioteca cun novo programa de Radio Escolar. Nesta ocasión o tema investigado é "O Samaín".
Esperamos que se escoite ben e que o disfrutedes!

En breves, irémosvos facendo partícipes das actividades que ímos realizando no centro.


PROGRAMA Nº 8 DE "CHICHARRIÑOS NAS ONDAS": "SAMAÍN"

DOC EN INFANTIL

No seguinte enlace podedes ver como o alumnado de infantil traballa robótica con DOC, un amigo moi especial...

DOC, O NOSO AMIGO ELECTRÓNICO

DESPEDIDA DA BIBLIOTECA

Rematado o teatro de pais, continuamos coa despedida da biblioteca.

En primeiro lugar demos a coñecer as gañadoras do concurso da Radio Escolar "Poñemos nome á nosa radio".
O xurado, visto o empate que había entre dous nomes, decidíu dar dous premios e que o nome definitivo fose unha mestura de ámbos. Así as premiadas foron:

- Paula López Pérez de 1º de Primaria, co nome: "Don Chicharrón na onda".

- Antía Castro López de 6º de Primaria, co nome: "Chicharriños faladores".

O nome definitivo para a nosa Radio Escolar é...

CHICHARRIÑOS NAS ONDAS!!!!

Parabéns ás dúas polo seu inxenio!!

A continuación, fixemos a máis que merecida despedida dos nosos "Axudantes de Biblioteca". Un por un, foron subindo ao escenario onde recibiron un gran aplauso e un pequeno detalliño pola súa dedicación. Noraboa a todos!!!

Ademáis, o alumnado de sexto, sorprendéronnos a todos cunha emotiva despedida onde cada un deles adicou unhas palabras que nos fixeron chorar.... Desexámosvos moita sorte na nova etapa e non esquezades vir de cando en vez... SORTE!